Vãme

Oficina Drupal tu vãme.

qui, 26/01/2012 - 09:50 — volmar

Ofina drupal tu vẽme

Curso tag vỹ tỹ oficina drupal tu ke nĩ, kanhgág ag tỹ site Kanhgág Jógo administra keja ke vã.
Kỹ kanhgág ag vỹ curso tag han mũ nĩ kurã tỹ, 17,18,19,20,23,24,25 kar 26 'janero' kã.
Kar ag vỹ site hynhan kinhrãg mũ ge, ag tỹ ag nỹtĩja mĩ ag jamã tu site han jé.
Ag tỹ ag nỹtĩja mĩ ag jamã tu vãme tugtója ketũmỹr kãgrá vogvo nén ũ kãgrá kegé.
Kỹ curso tag vỹ há kutã arunũ ag vỹ kanhrãnrãn mág mũ.

Volmar da Silva

Ẽmã tỹ Irai tá Curso kutẽ mãn ge

seg, 02/01/2012 - 21:54 — selvino

Ẽmã tỹ Iraí tá curso tỹ DRUPAL vỹ kutẽ mãn ge nĩ nĩ, kurẽ tỹ 17 kysẽ tỹ Janeiro prỹg tỹ 2012 kẽ ke vẽ.
Fóg ag vỹ ẽmã tỹ Campinas SP tá Professor ag tỹ tá nỹtĩj mũ, ag tỹ kanhgág tỹ ẽmã ‘e mĩ kãmũj ge ag mỹ. Iraí tỹ curso tag vỹ kurẽ tỹ 27 tá krỹg mũ, mỹr kanhgág tỹ DRUPAL ki vẽnhkajrẽn ge vỹ ver ‘e tỹvĩ nĩ.
Kỹ ser ẽmã tỹ Iraí tá kanhgág ag vỹ Curso tag ki ẽmẽg nỹtĩ nĩ, pã’i ag mré hã.

kanhgág ag vãfy to vẽnhrá hár tóg vẽnh ven,Guarita ki rãké tá.

sab, 12/11/2011 - 11:16 — Sueli

Rãké tá Guarita ki kanhgág ag vãfy hár tóg vẽnh ven ti kar mỹ. Kãki tóg kanhgág ag tỹ vãfy han jé nén ũ nón tĩg kar hyn-han ge ẽn kãmén nĩ, ti kãgrá mré hã tóg ki nỹtĩ. Mré tóg ag tỹ fóg ag ẽmã mĩ fón mũj fã ẽn mré hã kãmén nĩ gé.Guarita ki kanhgág ag kar chapecó tá ke ag ker ver guaranĩ ag rãnhrãj tóg kãki nỹtĩ.

ISKÓRA KAR TÓG VẼNHKANHINNHIR TO KAGÁ ẼMÃ TỸ IRAPUÁ TÁ, GUARITA KI.

sab, 29/10/2011 - 18:57 — Sueli

Kysẽ tag kã kurã tỹ 28 tĩ mũ tag kã Guarita ki iskóra kar tóg vẽnhkanhnnhir to kagá ẽmã tỹ Irapuá tá.Ag jẽn kar kỹ tóg ver vẽnhkanhrãn nỹtĩ sĩnvĩ tỹvĩ fi kuprẽg ge tóg ké.Iskóra kar tóg vẽnhkanhrãn jẽ fi pére kagá ja nĩ.Ũ tỹ fag kuprẽg ge mũ tóg pénkar nĩ.Fag tỹ vẽnhvinven tũ ki fag tóg ẽg tỹ kanhgág tũ pẽ to vẽnhrá ũ hynhan.Iskóra tỹ Antônio Kasĩn Mĩg tá vẽnhkanhrãn jẽ fi hã ne tá krỹg vén mũ, jo iskóra tỹ Mukẽj tá ke fi tóg fi nón jẽg.Vẽnhkanhinnhir kar ki iskóra tỹ Mũkẽj tóg ti kar jo jẽg.

GUARITA KI

sab, 22/10/2011 - 13:45 — Miguel

Tag vỹ tỹ kanhgág tỹ Kaingang tỹ RS ki ke ag kar SC tá ke ag vãfy to vãme nĩ,kar ver kanhgág tỹ Guarani ag tũ ke gé.
Kysã kãrã tag tỹ nãvemrũ ,kurẽ tỹ 11 kã tóg, ag tỹ ag rãnhrãj tag ven ge tá krỹg mũ.Ũ tỹ kanhgág ag mré tag han jé nón vãsãnsãn ja vỹ tỹ COMIN jo nỹtĩ ag nĩ,kar ver iskóra ag ke gé.Tã mĩ pã’ĩ ag tóg vej kãmũj mũ ga tỹ Guarita ki,tá vẽnhkanhrãn fã tỹ E.E.I.E.F.KASĨN MĨG ki ag tóg han mũ. Kusã ki 9:oo kã tóg pẽnjẽg mũ,kar kỹ tóg vẽjẽn nĩ,kanhgág ag tũ pẽ tỹ ag jẽn ge mũ kurã ẽn kã.

UFRGS tỹ ẽg ẽmã ra Kãmũ.

seg, 17/10/2011 - 13:08 — selvino

Uri kurẽ tỹ 17 tag kã UFRGS tá kanhgág kar fóg tỹ ẽg ẽmã tỹ FÁG NHIN ki ẽ mré ẽg vẽjẽn pẽ koj kãmũ mũ. Ẽmã ‘e ta kanhgág ag kar fag tỹ ag mré nỹtĩ nĩ gé. Kỹ ẽg mỹ sér tĩ, ẽg tỹ ag mỹ kanhgág vẽjẽn pẽ han kỹ.
Kar tỹ ag mỹ há tĩ gé, ag tỹ ẽg mré ẽg tỹ vẽjẽn han ja kon kỹ.
Ẽg mré ag tỹ mĩ mũ kỹ ki kutyg-tyg, ti tỹ ag mỹ ki hán kỹ.

Vẽnh Jykre

seg, 03/10/2011 - 18:46 — miguel ribeiro

Uri vẽnhkanhrãnrãn fã ag tóg vẽsãnsãn ge nỹtĩ,mỹr ẽg kyrũ kãsir ag vỹ uri ag jykre mĩ mũ sór tavĩn mũ nĩ mré vẽnh jóg ag tóg vẽnhkajrãnrãn fã ag tỹvĩ kri vẽnh jykre tugvãnh kãn kỹ nỹtĩ.Kỹ vẽnhkanhrãnrãn nỹtĩ ẽn ag vỹ mỹ vĩ kórég nỹtĩ unh ri,mỹr vẽnh jóg ag pi ag krã mỹ ge tũg nĩ, ke nỹtĩ ha,Ag tỹ ẽg kri fan kãn kỹ nỹtĩn kỹ ser.Kỹ tóg ẽg hã kã nỹ,ẽg jykre fãg ge ẽg nỹtĩ,mỹr vajka gĩr tag ag hã vỹ tỹ pã'i nỹtĩj mũ.

Governũ/RS vẽ CONCURSO han ge mũ

ter, 06/09/2011 - 16:02 — Valmir Jẽsĩ

Governũ vẽ CONCURSO han ge mũ,prỹg tỹ 2011 ki R.S Ke. Kysã tỹ outubro ne 2011 ki tóg Vẽnhkajrãn rãn fã ag mỹ ke nĩ kar tóg ser kysã tỹ janeiro ne 2012 ki tóg ũn tỹ iskóra mĩ rãnhrãj ũ tu nỹtĩ mỹ ke nĩ gé. Kanhgág ag vẽ ag vĩ pẽ ki tag hyn han ge mũ. Kỹ ki ẽmẽg nỹtĩm nĩ.
Hã Vẽ tag kãmẽ ti.
Valmir jẽSĩ.

kanhgág UFSC

dom, 04/09/2011 - 13:44 — Arão

kanhgang ne RS kar SC ag vỹ florianópolis tá ag 2º semestre ne fakurnane han nỹtĩ kỹsã kri nũr tỹ 21 ne agosto ã tỹ 07 ne setemru tỹ krãg mũ.

Kanhgág ag Ga

qua, 24/08/2011 - 08:51 — volmar

Nonoai ki kanhgág ag tỹ ag Ga tu vẽmén mũ ki tóg kysẽ pir han rã ha.

Hãra ag tóg semỹnỹ pir ki liminar régre kutãm mũ advogado ag fóg ag katu.

Kỹ kanhgág ag vỹ jatun mỹ nỹtĩ fóg ag kãki vãregre kỹ.

Pã'i mág ag to vãmén tu mã tu.

Hãra fóg ũ ag tóg jatun mỹ pa nỹtĩ ha,ag tỹ kanhgág ag mỹ ag Ga tug vãnh vã ser.

Ĩnh kãme va tỹtĩ.

qua, 03/08/2011 - 14:51 — Sĩsĩ

ta sỹ posto indigena nonoai tỹ ke nĩ,hãra ĩnh ne kanhgág ũ ag ga kõ ag mré jén,ĩnh amigo Natã mré.kỹ hãvẽ inh sỹ ãjag mỹ nén tój ke ti.

Centro de Formação róm mãn ge.

qui, 28/07/2011 - 10:22 — Valmir Jẽsĩ

Kanhgág ag ẽmã tỹ Inhacorá ki governo vẽ Iskóra mág fãg mũ, pryg tỹ 08 ke tóg nĩ ha, tag kã ag tóg papé tu ke mũg tĩ, kar ag tóg ĩn hyn han mũ gé, kar ĩn tag kãmĩ nén ũ vin ge jãvãnh ag tóg mũ ge.
Uri tóg ser kẽjẽ ha, Governo vỹ róm ge mũ, tag ta pã’i mág fi jyjy vẽ Diana L Weiler ke mũ, kanhgág ag vẽ tá rãnhrãj mũ ha ke gé, nén ũ tóg tagtá e tỹvĩ nỹtĩ.
Kanhgág kar ag mỹ ke vẽ Iskóra tag ti, ẽmã tỹ R.S ki ke ag. Kỹ pã’i ag tóg fóg ag mré tag tu ken vẽ, mỹr kanhgág krẽ vẽ e tỹvĩ tĩ uri, mré iskóra vẽ uri kanhgág kar ag mỹ tỹ nén ũ há nĩ.

Ẽg kurso tũg

qui, 28/07/2011 - 10:05 — Sueli

Kỹ ũri kurẽ tỹ 28 tag kã kysã tỹ julho tag kã ẽg kurso tóg tũg ge mũ, fóg ag ẽmã tỹ Iraí ki. Ẽg tóg e nỹtĩ vẽ ẽg junjun mũ kã, hãra ẽg kanhrãn jẽ ẽn tóg ẽg tỹ ki kurẽ pénkar tá krỹg gen kỹ ẽg mỹ ge mũ: - sỹ ãjag mỹ ge ke ja ẽn hynhan mãn nĩ inh mỹ, tag kar sóg ũ tỹ simỹnỹ ũ kãpẽn ki nỹtĩj ke ẽn kinhra nĩj mũ, ũn tỹ 11 ke tỹvĩ tóg kã jẽj ke nĩ,ke mũ. Kỹ ẽg tóg ser ẽg jamã ra vỹnvỹn kej mỹ ha.Hãra ti kar pi jé, ver kurso rég’re tóg tũ nĩ,hẽre ke mũn tóg tag ki kutẽ mãn mũ ke tũ mỹr Guarita tá. Ẽgno tóg ser fóg ag ẽmã tỹ Campinas-SP tá kutẽj mũ ti kar jé ser.

Ẽmã tỹ Iraí - RS ki Oficina de Gestores Kanhgág Jógo tũ.

qui, 28/07/2011 - 09:54 — selvino

Kurẽ tỹ 28 kysẽ tỹ julho tag kã Kanhgág Jogo to Oficia tỹ ti kurẽ ki tũg ge ta krỹg ser. Oficina tag tỹ kurẽ tỹ 18 kã ke kãtĩg hã nỹ, hãra ta ser uri kurẽ tag ka tũg mũ. O ficina tag ki ẽmã tỹ Irai, Guarita, Carreteiro, Inhcorá, Nonoai ag tỹ ki nỹtĩ nĩ.
Hãra ver kanhgág ta gag pate Xokléng régre ag tỹ Oficina tag han gé. Nén ũ ‘e ki kajrãn ẽg tóg, ẽg tỹ ẽg ẽmã tá kar tag tỹ kanhgág ũ ag kajrãn jé. Kỹ ta ser ẽg mỹ há tĩ, mỹr ẽg tỹ ẽg kajrẽn nỹti nỹ ser.

UNIVERSIDADE VẼ KANHGÁG MỸ KURSO VIN SÓR MŨ.

qua, 27/07/2011 - 15:27 — Valmir Jẽsĩ

Ẽmã tỹ Santa Maria tá vẽnhkajrãn fã mág vẽ jé ( UFSM), Governo Federal hã vẽ tag kirĩr nĩ, kỹ tag vẽ ser kanhgág tỹ KAINGÁNG ag mỹ kurso ũ vin sór mũ. Kysã tag kã vỹ rom ké, kurã tỹ 18 kã, kỹ tóg kysã ũ ka nĩféj mũ, kurẽ tỹ 19 kã.
UFSM tỹ curso tỹ 08 ke róm mũ, prỹg tag kã, hã vẽ nỹtĩ ser:
- Educação Física;
- Letras;
- Matemática;
- Agronomia;
- Direito;
- Enfermagem;
- Odontologia kar
- Medicina ke gé.
Kaingáng tỹ ũ kirã sór mũ tóg Universidade site rarãj mũ, tag hã vẽ tỹ;
www.coperves.com.br nĩ. Ti kaja tóg R$ 85.00 kej mũ.