Ẽmã vỹ tỹ vẽnh kar nỹtĩj fẽ nĩ. Ga kar mĩ tỹ ẽmã tĩ mỹr ẽg pi pir nỹtĩ, ẽg tỹ ta kanhgág kar fóg ag mré hã. Fóg tỹ ẽg ẽmã ‘e kãfór nỹtĩ mỹr ag pi pir nỹtĩ.
Hãra ẽg tỹ ta kanhgág tỹ ẽmã ‘e nỹtĩ gé, kar ãn mĩ kanhgág ũ ag ke gé. Kanhgág ũ ag pi ver ag ẽmã ki pa ja nỹtĩ ver, ag ẽmã tỹvĩn hã kãmĩ ag tỹ tygtyj kỹ mogmog kỹ tỹvĩn tá mũ ver. Hãra kejẽn fóg ag hãnỹ kanhgág tag tá junjun kỹ ag mré vĩj mũ tĩ, hãra kanhgág ag tỹ ag mré vĩgvĩ sór ja tunĩn ke pi jé.
Kỹ ẽg ẽmã vỹ ser ti ‘en kỹ ãn mĩ pipin kỹ nỹtĩ kar nĩ, ẽmã ta ag mĩ tỹ pã’i nỹtĩ gé. Hãkỹ ser ẽmã tỹ tag mĩ hã nỹtĩ gé ser.

Kurẽ tỹ 05, 06, 07, 08, 09, 10, 11, 19 kar 20 kã "Kiki Han" tỹ Ẽmã tỹ Condá sc tá kutãj mũ. Ẽmã tag tá kanhgág ag vỹ ẽmã kar mĩ kanhgág kar ag mỹ vẽnhvĩ jãgnã kãn mũ, ag tỹ ag mré kiki kron mũ jé. Hã kỹ ser ũn ta kiki ve ja ag kar ũn ta ve ja tũ ag tỹ ra mũj mũ. kỹ ãjag tỹ ta kanhgág kar tag tỹ ra mũj ge nỹtĩ gé.

Ẽmã tỹ Guarita- setor Pedra lisa-tenente Portela tá fi nĩ,ga tag kri kanhgág sénh nĩ fi.

Fi jyjy hã tóg Pedra Bento ke mũ.Kurẽ tỹ 29,kysẽ kri nũr tỹ junho kã fi tóg 121 prỹg tá krỹg ja nĩ.IBGE han mũ tĩ fag hã tóg fi ve ja nĩ.Ẽn kãpẽn fóg tỹ vãme han fã ag tóg fi ki junjun mũ ser,ag tỹ fi kãgrá nũnh kar fi to vãme ránrán jé gé.
Gufã tag fi tóg fi sénh há jérĩnmỹ tĩg mág tĩ ver,fi tỹ fi kósin ve tĩg jé.Ti ĩn kuvar tóg fi tỹ ra tĩg kar vỹn ken mré 4km tá krỹ nĩ.