Kókoj-my-tỹ-vẽreja

Kókoj ũ to ẽg tỹ my-tỹ-vẽreja ke tĩ, ti my tỹ ta vẽreja ve tugnĩn. Kókoj tỹ hẽn ri ke tỹtĩ, Brasil kãki ag vỹ ũn tỹ 151 ke nỹtĩ. Ta’ũ nĩ ke ag ta tĩ, kỹ ag kã ũ hẽ nỹ ta Kókoj-my-tỹ-vẽreja nĩ.
Kókoj-my-tỹ-vẽreja vỹ sukrĩg jógo tỹ ti jagfe han tĩ, ke tũmỹr tỹ ĩn mĩ jagfénh tĩ gé. Kókoj tag vỹ ti kuju ki tánh nĩ, kar ti vỹ ti krĩ kar ti my ki tánh-sy nĩ gé.
Ti kãmur vỹ tỹ 19cm nĩ;
Ti kufy vỹ tỹ 09g nĩ;
Kókoj tag vỹ ‘on régrég tĩ;
Ti ‘o vỹ 9g, kar 1,6 centímetro;
Ti fe vỹ vo tỹ 600 ke tĩ minuto pir kãki;
Ti tỹ kafej to san kỹ tẽ kỹ, ti fẽr vỹ vogvo tỹ 25 ke tĩ segundo por kãki;
Ti jẽn hẽ vẽ tỹ kafej kume kar karigri nỹtĩ.
Kókoj-my-tỹ-vẽreja vỹ nãn tỹ Bahia tá kẽtĩg tỹ Rio Grande do Sul ki jun tag kãmĩ rĩr tĩ. Hã kỹ ẽg tỹ ti ki rĩr ge nĩ mỹr ti tỹ sĩnvĩ nĩ nỹ, mỹr ti hẽ nỹ ẽg nãn tỹ sĩnvĩ ke tĩ gé Kókoj-my-tỹ-vẽreja tag ti.

(Texto e revisão de: Selvino Kókáj Amaral)