Ministério das Comunicações ta 8ª oficina Digital han.

Ministério das Comunicações ta kurã ta 24, 25, 26, 27 kã 8ª Oficina de Inclusão Digital han mũ, kysã kri nũr tỹ novembro kã. Ẽmã tỹ Belo Horizonte - MG tá ta kutẽj mũ.
Kỹ Ministério ta Projeto Web Indígena kãki "Kanhgág Jógo" mỹ vẽnh vĩ jãnã, kỹ Ong KAMURI tỹ ser ag kã'ũ jãnãj mũ. Hãra Ong KAMURI tỹ ser kanhgág ta 4 ke jãnãj mũ gé, ag tỹ Web indígena jagfy vãme kar vãnhnãn tag vej mũ jé. Ũn mũj ge ag hãnỹ nỹtĩ:
- Sebastião Luis Camargo Ribeiro (Inhacorá tá ke ti vẽ);
- Gilson Nascimento (Iraí tá ke ti vẽ);
- Denilson Emílio Vicente (Guarita tá ke ti);
- Selvino Kókáj Amaral (Guarita tá ke ti vẽ).
Kanhgág tag ag hãnỹ Vãnhmãn tag to mũj mũ.
Jãvo ũn tỹ Ong KAMURI jo tĩg gen hãnỹ tỹ Gilberto Machel jẽ, Ong tag presidente ti hãvã.